Cavusoglu thotë se ‘racistët’ si Wilders nuk do ta ndalojnë atë që të shkojë në Holandë

21:20 | 9 Mars 2017
Trina Galanxhi

Ministri i Jashtëm i Turqisë ka deklaruar se ‘nuk ia ndien për fashistët dhe racistët’ si politikani holandez i ekstremit të djathtë,Geert Wilders dhe ka shtuar se njerëzit si ai nuk do ta pengojnë atë që mbajë takime ne qytetarët e Turqisë në Holandë.

“Unë do të shkoj në Hollandë dhe nuk ka asgjë që mund të më ndalojë. Ne nuk dorëzohemi para fashistëve si Wilders”, ka thënë ai para gazetarëve në Ankara, transmeton portali arbresh.info.

Cavusoglu ka reguar pas deklaratave të bëra nga Wilders, i cili bëri thirrje për ndalimin e të gjithë zyrtarëve turq që duan të mbajnë takime me qytetarët e Turqisë që jetojnë në Holandë.

Referendumi mbi ndryshimet kushtetuese në Turqi është planifikuar të mbahet em 16 prill dhe ka për qëllim zgjerimin e kompetencave të presidentit Recep Tayip Erdogan./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm